Everyday Tori (Pidgin): EP 42 – Pornography, Betting Or Womanising: Which One Dey Destroy Man Pass?

On top Wetin Dey Happen, we dey chuck mouth for mata wey concern man ontop

Pornography, betting and womanising.

Dem talk say something must kill man…true true, many men dey look for de tin wey fit destroy dem. Nowadays, some men nor fit do without pornography, de one wey oyinbo say na representation of sexual behaviour for books, pictures, statues, films, and other media wey de intention na to cause sexual excitement.

Some oda men, deir own na betting. Some pipo papa don use deir pension money do betting, these men don turn prayer points for deir families ontop betting but dem nor send.

Another group of men, deir own na womanising, de one wey oyinbo say na to engage for plenty sexual affairs with women.

For our Tori today, una go tell us how una see dis mata – Pornography, betting wit womanising, which one dey destroy man pass?

Another tori wey we get for ground dis hot afternoon na de mata wey person wey dey follow chuck ear for our Tori send to us. 

De person carry d tori give us make we help am chuck mouth so dat una too go follow chuck mouth.

Dis our person, e dey obodo oyinbo wit e wife, de man wan come back for Naija but e wife nor gree, she say she must stay for oyinbo land. Dis man say make we tell am wetin e go do.

Make de man leave e wife for oyinbo land come or make e change e mind remian for dere bcos of e wife? Abeg, make una follow chuck mouth for dis tori.

Our Everyday Tori crew go sit down Kanganda today to chuck mouth for de 30min tori. Make want make una join us chuck mouth.

Make una follow us for our social media handles: Search @LeadershipNGA for YouTube, Facebook and Twitter