On top Wetin Dey Happen, we dey chuck mouth for de mata wey concern women as today na International Women’s Day. Today na de day wey de whole world don carry keep for ground to dey celebrate women. But we suppose dey celebrate women everyday bcos without women, men nor go fit function and de tins wey women dey do, men nor fit do am. Man and women go come back from work, de man go sit down dey watch television or dey relax with bottle of beer but de woman go still enter kitchen, cook food, take care of pikin, clean house and do oda tins before she go sleep. For our Tori today, una go tell us wetin una tink about celebrating women, especially for our continent. Say we suppose dey appreciate women pass as we dey do now? Relationship Corner Another tori wey we get for ground dis hot afternoon na for our relationship corner. Person send text message put for our phone say e get three daughters and e don decide say e nor go born pass three pikin. But now, de man family don carry gbege come de house say de man must born boy bcos nai be de only son for e family. De man dey ask us say wetin e go do now? What if e agree to born another pikin and de pikin come be girl again? Abeg, make una help us chuck mouth for dis tori. Our Everyday Tori crew go sit down Kanganda today to chuck mouth for de 30min tori. Make una join us chuck mouth. Make una follow us for our social media handles: Search @LeadershipNGA for YouTube, Facebook and Twitter
We’ve got the edge. Get real-time reports, breaking scoops, and exclusive angles delivered straight to your phone. Don’t settle for stale news. Join LEADERSHIP NEWS on WhatsApp for 24/7 updates →
Join Our WhatsApp Channel
