On top Wetin Dey Happen, we dey chuck mouth for Chidinma mata, as dem crown her MISS CELL for inside Kirikiri prison.
Chidinma na de runs girl wey dem talk say she kill Usifo Ataga for Lagos last year.
We hear say de pipo wey organise de event say na to mark de international women’s day.
For our Tori today, una go tell us wetin una tink about dis beauty pageant. Na to encourage crime?
Another tori wey we get for ground dis hot afternoon na for our relationship corner. Person send text message put for our phone say de man wey wan marry her nor get money do marriage but de man talk say make dem begin stay together dey born pikin so dat any year wey e get money, den go do marriage. She talk say make we advise her.
Abeg, make una help us chuck mouth for dis tori.
Our Everyday Tori crew go sit down Kanganda today to chuck mouth for de 30min tori. Make una join us chuck mouth.
Make una follow us for our social media handles: Search @LeadershipNGA for YouTube, Facebook and Twitter