Everyday Tori (Pidgin): EP 52 – Why Big People Dey Oppress Poor People For Naija?

On top Wetin Dey Happen, we dey chuck mouth for wetin just dey happen for dis our Naija.  We dey see how  the Big boys dey oppress those ones  wey nor fit chill with them sake of sey, ground never level for dem.  For office o, oga go dey oppress di junior workers, for house o, madam  nor go let e housemaid rest. Everyday for wi country, we dey see how madams dem dey maltreat their housemaids.  Social media sef, na di same tin we dey see. People wey nor get money nor fit drink water, keep cup again becos those wey dey on top am nor go let am.  For our Tori today, una go tell us wetin una tink about  di mata.  Wetin  una tink wey we supposed do mek people dey treat and love their neighbour as God tell us to do?