On top Wetin Dey Happen, we dey chuck mouth for de one wey Oyinbo dey call ‘unfollowing spree’ for our music industry on top say Davido dey vex say e colleagues nor celebrate e achievement as e perform for FIFA 2020 World Cup.
Dis vex nor get part two..o as we see say di papa of three pikin wey everybody dey call Davido Unfollow big big names dem like 2baba, Burna Boy, Yemi Alade with plenty oda Naija musicians for Instagram.
True true Sha, Davido bi make history on top dis e FIFA performance with Trinidad Cardona and AISHA, for de song wey dem title ‘Hayya Hayya’ (Better Together). As dem talk say if lizard nor see who praise am, e go praise e self, Davido come go for Twitter go talk say dis e feat, wey e colleagues nor gree chuck mouth put, say na win for Africa, no bi only Naija self.
For our yori today, una go tell us wetin una tink about dis unfollowing spree. Say oda musicians dey jealous of Davido or dem dey vex for ram? As Davido unfollow dem, na good tin abi na small pikin tin e do?
Relationship Corner: “I need help, i nor want house girl and my husband nor want house boy, how I go do?” Another tori wey we get for ground dis hot afternoon na for our relationship corner. Today, one woman send us message say she dey very busy with her business so she and her husband come agree to get house help but de problem na bi say she nor want girl and her husband nor want boy. She say she nor know wetin to do , say make we advise her.
Abeg, make una help us chuck mouth for dis tori. Our Everyday Tori crew go sit down Kanganda today to chuck mouth for de 30min tori. Make una join us chuck mouth.
Make una follow us for our social media handles: Search @LeadershipNGA for YouTube, Facebook and Twitter
